De Arbeitsgemeinschaft
"Plattdüütsch in de Kark" Neddersassen/Bremen
stellt sük vör:
Moin un van Harten willkoomen up de Internet-Siet van de
Arbeitsgemeinschaft "Plattdüütsch in de Kark" Neddersassen/Bremen.
Gott sien Wort kannst du plattdüütsch Minschen am allerbesten "up platt" seggen.
Dor sünd sük all de, de bi "Plattdüütsch in de Kark" mitmaaken doont, eenig.
De AG "Plattdüütsch in de Kark" gifft dat nu al 40 Johr. So wat 300 Mannlüüd un Froolüüd höörn dor to - Pastorinnen un Pastoren un (as Lektoren un Prädikanten) ok ganz voel ut ganz anner Berufen. Uns all liggt dor an, dat överall in uns Landeskarken plattdüütsch Gott'sdeensten fiert worrn un de plattdüütsche Spraak in uns Karkengemeen'n lebennig blifft.
Plattdüütsch is'n Spraak, de liek herut seggt, wat meent is, een Spraak, de vertellt. Körte Satzen un kloore Woorden helpen, dat mennigeen 'n Bibeltext ganz neij versteiht, wenn dor up Platt över predigt worrt. Ok dor, wor dat dorum geiht, dat Minschen hör Sörgen losworrn un över dat prooten können, wat se denken un föhlen un glööven, kann de plattdüütsche Spraak helpen. "Plattdüütsch in de Kark" - so hett dat annerletzens een van de Mesters an't Kieler Universität seggt "ist heute einer der vitalsten sprachkulturellen Bereiche".
Wi freun uns, dat Se hier in't Internet bi uns up Versit sünd. Se könen hier gewohr worrn, wat in uns AG plaant is un wor wi neddekraat (= jüst) an arbeiden, Se könen plattdüütsche Predigten lesen, kieken, wat dat allns up'n Bookermarkt van uns un annern gifft un sehn, well sük in Hör Kontrei noch för Plattdüütsch insetten deit.
Un: Jede Week steiht hier bi uns de Weekensproek up Platt.
Viellicht höören wi ja noch mehr van'nanner of treffen uns
in een van de völe plattdüütsche Gott'sdeensten in uns Landeskarken.
Hör
(Anita Christians-Albrecht)
Beupdragte för de Verkündigung in plattdüütsche Spraak in't ev.-luth. Landeskark Hannover un
Geschäftsföhrerin van de AG "Plattdüütsch in de Kark" Neddersassen/Bremen
(Ik koom ut Ostfreesland.)
"Plattdüütsch in de Kark" Neddersassen/Bremen
stellt sük vör:
Moin un van Harten willkoomen up de Internet-Siet van de
Arbeitsgemeinschaft "Plattdüütsch in de Kark" Neddersassen/Bremen.
Gott sien Wort kannst du plattdüütsch Minschen am allerbesten "up platt" seggen.
Dor sünd sük all de, de bi "Plattdüütsch in de Kark" mitmaaken doont, eenig.
De AG "Plattdüütsch in de Kark" gifft dat nu al 40 Johr. So wat 300 Mannlüüd un Froolüüd höörn dor to - Pastorinnen un Pastoren un (as Lektoren un Prädikanten) ok ganz voel ut ganz anner Berufen. Uns all liggt dor an, dat överall in uns Landeskarken plattdüütsch Gott'sdeensten fiert worrn un de plattdüütsche Spraak in uns Karkengemeen'n lebennig blifft.
Plattdüütsch is'n Spraak, de liek herut seggt, wat meent is, een Spraak, de vertellt. Körte Satzen un kloore Woorden helpen, dat mennigeen 'n Bibeltext ganz neij versteiht, wenn dor up Platt över predigt worrt. Ok dor, wor dat dorum geiht, dat Minschen hör Sörgen losworrn un över dat prooten können, wat se denken un föhlen un glööven, kann de plattdüütsche Spraak helpen. "Plattdüütsch in de Kark" - so hett dat annerletzens een van de Mesters an't Kieler Universität seggt "ist heute einer der vitalsten sprachkulturellen Bereiche".
Wi freun uns, dat Se hier in't Internet bi uns up Versit sünd. Se könen hier gewohr worrn, wat in uns AG plaant is un wor wi neddekraat (= jüst) an arbeiden, Se könen plattdüütsche Predigten lesen, kieken, wat dat allns up'n Bookermarkt van uns un annern gifft un sehn, well sük in Hör Kontrei noch för Plattdüütsch insetten deit.
Un: Jede Week steiht hier bi uns de Weekensproek up Platt.
Viellicht höören wi ja noch mehr van'nanner of treffen uns
in een van de völe plattdüütsche Gott'sdeensten in uns Landeskarken.
Hör
(Anita Christians-Albrecht)
Beupdragte för de Verkündigung in plattdüütsche Spraak in't ev.-luth. Landeskark Hannover un
Geschäftsföhrerin van de AG "Plattdüütsch in de Kark" Neddersassen/Bremen
(Ik koom ut Ostfreesland.)
